التاج

أشكر أخوي جنون عاقل على إهداءه لي التاج !
ما توقعت يوصل التاج لمدونتي ^_^

،،،


- اسمك واسم مدونتك؟

اسمي : مروة
اسم مدونتي : الرور

2- احب الالوان؟ الايام؟ الارقام؟
الألون : الأزرق أحسه يعني الحياة –

الوردي وخاصة منه الفوشي

أحسه يعني الطاقة والفرح "غرفتي لونها فوشي لول "–

الأسود أحسه ملكي وفيه كبرياء –

الأيام : الخميس والسبب أسميه" يوم الجنون " : p

الارقام : 4

برجك وتاريخ ميلادك؟

برجي : الثور
ميلادي : 24-4-1987


ما أهم مميزاتك؟ وأهم عيوبك؟ وماهى الصفه التى تتمنى أن تتوفر فيك؟

مميزاتي : امممم مستمعه جيدة / قيادية !
سابقة البنات من جيلي / في العمر والتفكير !بشاهدة الناس !



عيوبي : لووول كثير / المشكلة إن بعض الناس تنصدم أن هذي عيوبي !
بس بس لول عصبية – عنيدة- متردده - خجولة – اجامل وايد –

احب اتضارب وايد خاصة مع اللي يضايقوني أو يضايقون أهلي ! حتى لو بنظرة !
خخخخخ عيوبي ماتخلص ! الله يستر علينا يـارب

الصفة اللي أتمناها فيني : الجرأة !

مكانك المفضل؟

الكـاســــر !
تحس إن العالم أمامك ! بحر ومنظر رهيب !

أقعد بمكان أشوف نفس الصورة وأكثر !

هوايتك المفضله؟

الأشغال اليدوية جي يلقبونها !
أحب أسوي بطاقات وتغليف هدايا ...الخ / الكتابة / منسقة حفلات لول

ما المقوله اللى تؤمن بها؟

دوام الحال من المحال !

اجمل هديه قدمت لك من مين؟

من *مريومتي!



اسعد يوم في حياتك؟ واتعس يوم فى حياتك؟

أسعد يوم : 24-10 - ....م

وأتعس يوم : وفاة جدتي وجدي الله يرحمهم .. هزتني وفاتهم كثيرا وماتوقعت هالفقد لهم !


موقف طريف لا ينسى من ذاكرتك؟

طريف اممم ما اذكر بس آخرها قبل جم يوم ، بيتنا صار كله أبواب خخخخ متاهات ! اللي مايعرفه يضيع!
أخوي متحمس يقول لأبوي وهو يحاتي :
الحين كل بيتنا صار أبواب لو دخل حرامي بيضيع ؟!!! خخخخخ
وكأنه لازم نقلل الأبواب عسب مايضيع الحرامي المسكين خخخ ضحكنا يومتها حد البكي !

معاك ثلاث وردات لمين تهديهم ؟

الأولى : أبوي وأمي .
الثانية : مريومتي .
الثالثة : كل من وقف معاي بحياتي وكل من علمني حرف !



معاك ثلاث رصاصات على من تطلقهم؟

مااحب المشاكل ابعد عن الشر وغنيله :p


رايك فى الحب؟ ولمن تقول اجمل كلمه حب؟

الحب أفعال ومواقف وأحاسيس!

لمريومتي : أحبج : p

هل من السهل أن تمثل الحب لشخص يحبك لعدم جرح مشاعره؟


لااا، لكن احترم هالحب وهالمشاعر ، وأحاول الهروب منه بلطف !
المشكلة الأكبر بنظري : إن أنا وخواتي نعامل الناس بعطاء وحب كبير وكثير!

فكل تصرفاتنا تنفهم إنها حب خاص ! وفعلاً نعاني من هالمشكلة !




المرأة فى نظر الرجل ।........ أكمل ؟
الحب

الرجل فى نظر المرأة......... أكمل؟

الأمان

ماهو اسعد خبر سمعته هذا العام؟ وماهو اتعس خبر؟

أسعد خبر : مافي بس يمكن دخولي للجامعة !
أتعس خبر : بعد مافي خخخ بس تعب حبيبتي

وأتمنى يتبدل أتعس لأخبار جميلة وسعيدة لها يـارب ^_^

،،،
أشكر كل من قرا أو علق بمدونتي المتواضعة !
أشكر حضوركم ^_^
وباقة ورد كبيرة لكم مع كل الحب ^_^
،،،

وبدوري أهدي التاج ل:

مجرد أنثى : p و SAD clown و 7ADEETH

* مريومتي = حبيبتي وصديقتي وأختي وكل شي :p